عبارات عن فوز الاهلي المصري، أحد أعرق وأشعر أندية كرة القدم المصرية والعربية، وله تاريخ حافل من البطولات والألقاء على المستوى المحلي والقاري، ويتمتع الأهلي المصري بطبقة عريضة من الجماهير الأنصار والمحبين، حيث يعتبر أكثر نادي بتنتع بشعبية جماهيرية في مصر والوطن العربي، وعلى مدار مشوار الأهلي في تاريخ كرة القدم لعب ضمن صفوفه أشهر وأمهر اللاعبين المصريين والعرب، ممن صنعوا بصمة بفوز الأهلي بالبطولات والألقاب المحلية التي ينفرد بها عن باقي الأندية المصرية، ويتفوق على غريمه التقليدي الزمالك، في هذا فهرس نقدم عبارات عن فوز الاهلي المصري .
كلمات عن فوز الاهلي المصري
على مدار مشوار الأهلي في المسابقات المحلية والخارجية، تشهد ملاعب كرة القدم حضوراً جماهيرياً كبيراً أثناء مباريات الأهلي، والتي يقودها رابطة مشجعي وألتراس الأهلي، مرددين شعارات وأغاني النادي، التي يحفظها كل مُحب وعاشق للقلعة الحمراء .
- دا الأهلـي وردة حب حمترا ترد الروح
مزروع جوه قلوبنا والعشـق فيه مسموح
الأهلي في كلامنا في نفسنـا عبيره يفوح
يملا هواك يا مصر من أسـوان لمطروح
والورد بيرقصلك يا أهلـي وبالسر يبوح
- للاهلى منى تحيـه وورد وفل وياسمـين
فى عشقه قصة طويلـه عاشت بقالها سنيـن
كل الفرق غير أهلى متسـاويش قرشين
لا تقولى أصفـر ولا أخضر أو حتى أبو خطين
الاهلى هو كبيركم يا بشر مجانين
- لو تتمنى تفوز على الأهلى تبقى تعيش مسكين
- ياليلة منورة ونورك الأحمر مغطيها
البطولة بتندهلك أوعى تفرَّط فيها
واليابان ما حد غيرك يقدر عليها
هي كمان مشتاقة إنك تعود ليها
- عجبي عليك يا أهلي يا أبو العجايب
في كل مكان تلاقي بدل الحبيب حبايب
وفي الميعـاد حاضر عمرك ماكـنت غايب
صدقني الفوز حليفك وغيرك مالوهش نايب
- يا اهلي المأوية عمر و بطـولات
يا اهلي يا مية مية كفـاية التاريخ اللي فات
اراهن عليك الدنيا بالبيبسي و العزومات
و لو في يوم إتغلبت لا يمكن يجيلي إحباط
لكل حصان كبوة لكن أنت ليك طلعات
و كل من يحسـدك اكيد بغيظه مات
- يا أهلى يا دنيتى حبـك مجننى
مهما كنت بعيد فـانت قريب منى
اللون الأحمر هو لون دمى
لو قالو تختار حبيبك مين أقول الاهلى
بعد أبويا وأمى
جماهير عظيمه بتهتف اللى يخاف يروح
- يا صباح مشقشق متلوِّن بلون حبي
أحمر بلون الورد بلون الدم بلون قلبي
مقدرش اداري فخري بيك ولا أقدر اخبي
إنك صانع الفرح لكل مصري وعربي
- قالوا عليك نادي الحكام
نادي الأوهام ….. نادي الحكومة والأفلام
نادي الكلام ….. نادي الإنسحاب والإستسلام
نادي التزوير والإنهزام
نادي المنشطآت والبرشام
نادي الصحافة والإعلام
طيب ماتجيبوا شوية ورق وحبة أقلام
وتعالوا نحسب هي بطولاتهم كام وبطولاتنا كام
خيبة علي اللي طول عمرها ورا …… وفاكرة نفسها أدام
- جاى النهاردة أكتب كلام يتعمل موَّال
لقيت ياأهلي كل الكـلام الحلو فيك إنقال
فكرت أعمل إيه او أقول إيه؟ يترجم الأحوال
ما لقيت ولا كلمة تعبر عنـك يا أبو الأجيال
- الأهلى الزعيم و بجماهـيره الفوز يبقى أكيد
لا تقولى برشلونه ولا حتـى ريال مدريد
الأهلى ده خطير و يفـوت فى الحديد
لاعنده لاعيب نص عمـر ولا لاعيب بليد
يلعبوا على الترتان أو حتـى على الجليد
يفرحوا جماهيرهم و يخلـوا الكل سعيد
و سمعنى سلام تلاتات تلاتات مـن هنا لحد الشلالات
- شيكابالا …… شيكابولا …… شيكابيكا
في غمضة عين سحرهم أبو تريكة
زى ما سحر قبلهم يوكوهاما وأفريكا
خد قلبي وعيني ياابني هدية مني ليكا
- يا أهلي
محدش زعلان منك ……. كلنا زعلانين عشـانك
إوعى تفتكر ……. ضياع بطولة حتغير مكـانك !!
دا مكانك في قلوبنا ….. وقلوبنا هي عنـوانك
بنحبك والحـب نشاركك في أفراحك وأحـزانك
- مش بأجيب ورقـة وقلم وأقعـد أفكر
دا الكلام في حبك ع اللسـان مسطَّر
عشان بحبـك بألاقي الكلام جميل
المسألة مش مسألة بطـولات ولعب
المسألة حب اتخلق ونسيـانه صعب
ولما عرفنا الحياة كنت يا أهـلي دولتنا
ولما كبرنا يا أهلـي بقينا إحنا الشعب